قال الفنان محمود حميدة، إنه في بداية انطلاقته الفنية، وخاصة عقب فيلم «فارس المدينة»، بدأ النقاد الكبار مثل سمير فريد، يوجهونه نحو ضرورة انتقاء أعماله الفنية بدقة.
وأضاف خلال لقائه مع برنامج «صاحبة السعادة»، المذاع عبر فضائية «دي إم سي»، مساء أمس الثلاثاء: «النقاد الكبار بقوا على طول عايزين أنقي ومعملش أي حاجة، بس أنا قلت هنقي إيه؟ أنا إيش عرفني».
وأوضح أن من ساعده على تخطي هذه المسألة، هو الفنان عادل إمام، مضيفًا: «اللي حل لي المشكلة دي عادل إمام، قالي بقولك إيه؟ إوعى تسمع كلام الجماعة اللي بيقولوا لك نقي، أنت تشتغل أي حاجة».
واستطرد أنه من وقتها بدأ يشترك في الأفلام من أجل العمل في ذاته، متابعًا: «بقيت أشتغل عشان أشتغل، ومش مهم عندي الفلوس، وكنت بعمل أفلام عشان واحد عايز يعمل فيلم، حتى لو مش عاجبني».