أعرب مغني المهرجانات عصام صاصا عن حزنه الشديد، بعد تسببه في وفاة شخص دهسه في حادث سير على الطريق الدائري عند منطقة المنيب.
واستنكر هجوم الجمهور عليه، مشيرا إلى أنه متأثرا جدا بما حدث، معلقا: «شكله مبيفارقش عيني من ساعة اللي حصل».
وكتب عصام صاصا عبر حسابه على موقع «فيسبوك»: «كل اللي بيحبوني واللي مبيحبونيش واللي شمتانين فيا يركزوا في الكلام ده، طبعا الحمد لله على كل حال وكل اللي يجيبه ربنا خير، بس ليه الناس شايفاني وحش؟ ربنا اللي يعلم أنا الموضوع ده مأثر فيا قد إيه ويا رب ما حد يتحط في ربع الموقف اللي أنا فيه».
وقال: «ربنا يرحم الراجل اللي أنا شايل ذنبه، وشكله مبيفارقش عيني من ساعة اللي حصل، ويصبر أهله، بس فيه حاجات محدش يعرفها لازم أطلع أوضحها بس أنا مش قادر أحكي حاجة دلوقتي من التعب اللي أنا فيه».
وعلق عصام صاصا على قرار الإفراج عنه بعد خضوعه لتحليل مخدرات، عبر حسابه على موقع «إنستجرام ».
وقال: «الحمد لله على قضاء ربنا اللهم لا اعتراض، ربنا يرحم الراجل اللي أنا هفضل شايل ذنبه طول عمري، بس ربنا شاهد على اللي حصل ومحدش هيحس باللي أنا شوفته وعيشته الساعات اللي فاتت.. ربنا يصبر أهله ويرحمه وشكرا لكل إخواتي اللي سألوا عليا وشكرا لكل الناس اللي دافعت عن عصام وعارفة إن عصام عمره ما يأذي حد بس ده قضاء ربنا».